٦ ساعات يا ماما علشان تردي على أول سؤال؟

يومين بسبب المزاج الوحش .. و شهر علشان حالة وفاة

تفتكر  كلامنا على النت هيكون حلو يا علي؟

كتاب شخصي جدا، لكن الآن مفتوح  للجميع

 تفتكر قصصنا من  ٢٥ سنة مهمة لمين بس؟

اتغديت ايه النهاردة يا حبيبي؟

مقدرش اتخيل صفحتي من غير صورة بابا يا علي

أنا علي زرعي كسرت رهبتي من الحياة والناس ، تعلّمت بشيء من الخفة أن كل ماحولنا فن الأصدقاء والبيوت والموسيقى والشوارع .... أسير في المدينة مخزّنا حكايات ووجوه وعواطف ملقاه وسط الزحام ، أحب اللون الأصفر ومؤخرا شوربة العدس. ارتحلت مع البدو في مصر في رحلة طويلة صاحبني فيها دائما صوت الشيخ أحمد برين . للحق هو صاحبني في كل الرحلات في كل المغامرات واكتشاف العوالم والأفكار ، وجبر بخاطري وأنا أحاول توثيق مدينتي التي تتلاشى .. . أعيش حاليا -ولفترة مؤقتة- في هانوفر _ ألمانيا . واستطعت منذ عدة أيام أن أصف شقتي هناك بأنها بيتي ..

ابوك كان شبه نور الشريف .. كنا حلوين اوي يا علي

صور من أرشيف بابا من ٣٠ سنة تقريبا

"عمري ما شربت سجاير ولا اعرف طعمها"

دي حركة بس علشان الصورة

لم يحدث من قبل و طلب احد من أسرتي ان اقوم بتصويرهم مثلما طلب مني اصدقائي.. لماذا؟ 

بعض الأسئلة احذفها و أستخدم الورد احيانا لكتم اجابات لا أحب ان تظهر

لم ينصحني أبي ان أستمر في مهنة التصوير! لاأعرف لماذا؟

و دلوقتي يا بابا .. كل  و ألبس الي يعجبك

 يا علي أرجع مصر يلا؟

يا ماما في بنت أتقبض عليها بسبب فيديو رقص

يا علي مش يمكن غلطانة.. و الرقص حرام

انا مش مؤمن بالقيم و الكلام الفارغ ده يا ماما
يا علي احنا مجتمع مسلم ، عيب يكون ده تفكيرك

حصل فيك ايه بس يا أبني

  انا مازلت نفس الشخص خجول جدا، متردد، كسول

 جالي جوابات وصور من بابا وماما النهاردة من ألطف وأجمل الرسايل

فاكر يا علي حلة المحشي اللي اترمت منك في الشارع وانت جايب الاكل من عند ستك مكلناش اليوم دا بسببك هههه

فاكر يا علي لما كنت صغير في الحضانة والمشرفين نسيوا يخدوك معاهم في الأتوبيس وفضلنا ندور عليك وفي الآخر نلاقيك نايم في الفصل ، ولا لما البنت عورتك في حاجبك ورحنا اتخاقنا معاهم ذكريات كتيرة والله يا ابني ربنا يخليكم ليا

الأخلاق يعني تحترم الأكبر منك

و لو الكبير مش محترم؟

هل يوجد فائدة ان تصبح أمك صاحبة أجمل طبق ملوخية في العالم؟

نرضى بطبق ملوخية سخن .. احنا بس عايزين الأكلة الحلوة

لست بحاجة لمعرفة أن علي يملك أكثر من مائة تسجيل لعشرات الليالي التي أحياها الشيخ أحمد برين، أحد أجمل منشدي الصعيد المصري لقلب علي ، لكي تدرك مدى عمق حبه لهذا الرجل، كما نعلم انها ليست المرة الأولي لمشاركة هذا ! وتلك الليالي التي صاحبه فيها صوت الشيخ بين مصر وكينيا وألمانيا، علي سيحبك على أية حال، لكن إن كنت أحد محبي الشيخ برين، أو ترغب في الاستماع له، والاستماع عنه، فقد دخلت إلى قلبه من بابه الكبير .

كما جرت عادات علي،

لم يُكمٍل هذا العمل بعد،

وربما لن يفعل

لكن الوعد باستكماله ما زال قائمًا

© Farah Hallaba - Designed by Esraa & Farah

Subscribe for Updates سبسكرايـــب